რადიო მარნეულის ჟურნალისტს, სოფელ ყიზილაჯლოში, N89 საარჩევნო უბანზე დაკვირვების დროს უბნიდან აძევებდნენ. ინფორმაციას ამის შესახებ რადიო მარნეული ავრცელებს.

ჟურნალისტის ინფორმაციით, უბანზე შეკრებილი უცნობი ადამიანები მათ საქმიანობაში ხელს უშლიდნენ და გადაღებას უკრძალავდნენ.

რადიო მარნეულის გარდა, დღეს ტელეკომპანია პირველის ორ ჟურნალისტს შეუშალეს ხელი მუშაობაში. მათ შორის ერთს ფიზიკური შეურაცხყოფა მიაყენეს.