გორში, ქალაქის ცენტრალური პარკის ზოოპარკში დათვის თავდასხმის შედეგად მამაკაცი დაშავდა. ინფორმაციას რუსთავი 2 ავრცელებს.

თვითმხილველების განცხადებით, მოქალაქემ დამცავი ბარიერი გადალახა და დათვს მიუახლოვდა. მოქალაქეს დაზიანებები თავის არეში აქვს მიყენებული.

დაშავებული 60 წლისაა. მისი ჯანმრთელობის მდგომარეობა მძიმეა. ის სასწრაფო სამედიცინო დახმარების ბრიგადებმა სამხედრო ჰოსპიტალში გადაიყვანეს და ამჟამად რეანიმაციულ განყოფილებაში იმყოფება.

სასწრაფო დახმარების ბრიგადის მისვლამდე, პირველადი სამედიცინო დახმარება დაშავებულს ცენტრალური პარკის თანამშრომლებმა აღმოუჩინეს.