ჩიკაგოში, მერსის ჰოსპიტალში სროლას ექიმი, ფარმაცევტი და პოლიციელი ემსხვერპლა. BBC-ის ინფორმაციით, გარდაცვლილია მსროლელიც, თუმცა უცნობია ის პოლიციამ მოკლა თუ სიცოცხლე თვითმკვლელობით დაასრულა.

როგორც გამოცემა წერს, სროლის მიზეზი პირადი ურთიერთობა გახდა. კერძოდ, სროლის დაწყებამდე ერთ-ერთ ექიმს, მეგობარი კაცი ეკამათებოდა. მას შემდეგ, რაც ექიმს კოლეგა გამოესარჩლა დამნაშავემ იარაღი ამოიღო და ცეცხლი გახსნა.

როგორც თვითმხილველი ამბობს, მას შემდეგ, რაც მსროლელის მეგობარი ქალი წაიქცა, მან დამატებით სამი ტყვია ესროლა. ამის შემდეგ თავდამსხმელი შენობაში გამაგრდა და შემთხვევითი გასროლით ფარმაცევტი მოკლა. სამართალდამცავებთან ორმხრივი სროლის დროს კი მან პოლიციელი მოკლა.