ქართული ოცნების თავმჯდომარისა და ფონდი ქართუს დამფუძნებლის, ბიძინა ივანიშვილის გადაწყვეტილებით, დავალიანების განულირებისთვის მიმდინარე წლის ბიუჯეტში 100 მილიონი ლარი უკვე დარეზერვებულია. ამის შესახებ განცხადება გააკეთა ფონდი ქართუს ხელმძღვანელმა, ნიკოლოზ ჩხეტიანმა. ჩხეტიანის განცხადებას იმედინიუსი ავრცელებს.

არჩევნების მეორე ტურამდე რამდენიმე დღით ადრე მთავრობა "შავ სიაში" მყოფ 600 ათასი ადამიანს ჯამში 1,5 მილიარდის ოდენობის დავალიანების განულების ინიციატივით გამოდის. საჭირო ფინანსური ტვირთი კი სრულად ფონდმა ქართუმ იკისრა.

პირობები, რომელსაც ვალის ჩამოსაწერად პირი უნდა აკმაყოფილებდეს:

  • თითოეულ ფინანსურ კომპანიაში ვალის ძირი თანხის მოცულობა არ უნდა აღემატებოდეს 2 000 ლარს, თუმცა შესაძლოა, ჯამში 2 000 ლარზე გაცილებით მეტი იყოს;
  • მინიმუმ ბოლო ერთი წლის განმავლობაში არ გადაუხდია სესხის ნაწილი.

ფინანსთა მინისტრის, ივანე მაჭავარიანის თქმით, მიკროსაფინანსო კომპანი ვივუსის კლიენტებს დავალიანება არ გაუნულდებათ. მინისტრის განმარტებით, კომპანია მოლაპარაკებების პირობებს არ დათანხმდა.

ვივუსის განცხადებით, დავალიანების ჩამოწერასთან დაკავშირევით ფინანსთა სამინისტრომ, მათთვის უცნობი მიზეზით, კომპანიასთან კონტაქტი შეწყვიტა. როგორც კომპანია განცხადებაში განმარტავს, ინიციატივასთან დაკავშირებით სამინისტრო მათ ორი კვირის წინ დაუკავშირდა.

ამავე თემაზე: