BBC-ის ინფორმაციით, იშვიათი ვარდისფერი ბრილიანტი აუქციონზე რეკორდულ ფასად, 50 მილიონ აშშ დოლარად გაიყიდა. თითქმის 19-კარატიანი ბრილიანტი ამერიკულმა ბრენდმა, ჰარი ვინსტონმა შეიძინა ჟენევის აუქციონზე.

ბრილიანტი გაყიდვამდე $30-$50 მილიონად იყო შეფასებული და აუქციონის დაწყებიდან, ზუსტად 5 წუთში გაიყიდა.

ფოტო: Fabrice Coffrini / AFP - Getty Images

BBC-ის ცნობით, ძვირფასი ქვა, რომელიც წლების წინ ბრილიანტის მომპოვებელი კომპანიის მფლობელ, ოფენჰაიმერების ოჯახს ეკუთვნოდა, დღეს მსოფლიოს ერთ-ერთ უდიდეს ბრილიანტადაა მიჩნეული.

მართკუთხა ფორმის ქვა სამხრეთ აფრიკაში, ერთ-ერთ მაღაროში, დაახლოებით 100 წლის წინ აღმოაჩინეს.