გალერეა Fotografia-ში პირველ დეკემბერს დაანონსებული ფოტოგრაფ იური მეჩითოვის გამოფენა სერგო ფარაჯანოვზე გადაიდო. ამის შესახებ On.ge-ს Fotografia-ს დირექტორმა, ნინო-ანა სამხარაძემ განუცხადა.

"განვითარებული მოვლენების ფონზე, ჩვენი ღონისძიების facebook-გვერდზე ძალიან ბევრმა ადამიანმა საკმაოდ აგრესიული, მუქარის შემცველი კომენტარი გააკეთა ხელოვანის მიმართ. შესაბამისად, გალერეამ ფოტოგრაფის უსაფრთხოების უზრუნველყოფის მიზნით გადადო ღონისძიება", — აღნიშნა სამხარაძემ.

ცნობილმა ფოტოგრაფმა და კულტურის მინისტრის ყოფილმა მოადგილემ, იური მეჩითოვმა Al Jazeera-სთან ინტერვიუში განაცხადა, რომ 9 აპრილს რუს სამხედროებს არავის მოკვლა არ სურდათ და ხალხი ასფიქსიით, ჰაერის უკმარისობით გარდაიცვალა. მისივე თქმით, პარლამენტის წინ შეკრებილებისთვის 9 აპრილი იყო შოუ და ახალგაზრდები სწორედ ამიტომ დარჩნენ მიტინგზე.

ამავე თემაზე: