საპრეზიდენტო კანდიდატის, სალომე ზურაბიშვილის შემდეგ მუქარაზე ამჯერად სახალხო დამცველი, ნინო ლომჯარია საუბრობს. როგორც ომბუდსმენი ამბობს, მას "შუბლის გახვრეტით" ემუქრებოდნენ და უცენზურო სიტყვებით მოიხსენიებდნენ.

"უკვე ბევრისგან მსმენია იგივე, განსაკუთრებული სამიზნე სამოქალაქო აქტივისტები და პოლიტიკური პარტიების მხარდამჭერები, კანდიდატები არიან... სამწუხაროდ, უკვე ჩვეულებრივი პრაქტიკა გახდა მუქარა და შეურაცხყოფა, დაუსრულებელი შეტყობინენები, სადაც გაურკვეველი პირები სიცოცხლის მოსპობით იმუქრებიან", — წერს ლომჯარია.

ფოტო: ნინო ლომჯარია/Facebook

მისი განცხადებით, მსგავსი შინაარსის შეტყობინებებზე რეაგირება სამართალდამცავმა ორგანოებმა უნდა მოახდინონ და არა სამოქალაქო სექტორმა, რომელიც თავად არის მსგავსი მუქარების სამიზნე.

დღეს, 12 ნოემბერს მმართველი პარტიის მიერ მხარდაჭერილმა კანდიდატმა, სალომე ზურაბიშვილმა განაცხადა, რომ მას და მის შვილებს მოკვლით ემუქრებოდნენ.