პრეზიდენტ დონალდ ტრამპის ადმინისტრაციამ, CNN-ის ჟურნალისტ ჯიმ აკოსტას აკრედიტაცია ჩამოართვა. ეს მალევე მოხდა მაშ შემდეგ, რაც ვაშინგტონში პრესკონფერენციის დროს ტრამპი და აკოსტა ერთმანეთს დაუპირისპირდნენ.

7 ნოემბრის პრესკონფერენციაზე, რომელიც შუალედურ არჩევნებს ეხებოდა, ტრამპმა ჟურნალისტი გააკრიტიკა და "უხეში და საშინელი ადამიანი" უწოდა. აკოსტამ რამდენჯერმე სცადა, რომ პრეზიდენტისთვის ერთ და იგივე კითხვა დაესვა, რომელიც მიგრანტების ქარავანს ეხებოდა. პრეზიდენტმა უთხრა, რომ CNN ყალბ ნიუსებს ავრცელებს და მისი თავიდან მოშორება სცადა.

"СNN-ს უნდა ცხვენოდეს, რომ მათთან მუშაობთ", - უთხრა პრეზიდენტმა ჟურნალისტს.

ჯიმ აკოსტას შემდგომში სხვა ჟურნალისტი გამოესარჩლა და აღნიშნა, რომ მასთან ერთხელ ბევრჯერ უმოგზაურია და ის კარგი ადამიანია. ამაზე კი ტრამპმა უთხრა, რომ მასზეც არ იყო კარგი მოსაზრების.

პრესკონფერენციის შემდეგ თეთრი სახლის პრესსამსახურის უფროსმა, სარა სანდერსმა განაცხადა, რომ აკოსტა პრესკონფერენციაზე არასწორად იქცეოდა.

არხის ხელმძღვანელობამ პრეზიდენტის ქმედებები დაგმო და პირდაპირ დააკავშირა იმ უხერხულ კითხვებთან, რომელსაც აკოსტა ტრამპს პრესკონფერენციაზე უსვამდა.

ეს არ ყოფილა პირველი შემთხვევა, როდესაც CNN-ის ჟურნალისტს თეთრ სახლში შესვლის უფლება არ მისცეს. მიმდინარე წლის ივლისში ადმინისტრაციამ ტელეკომპანიის ჟურნალისტი კეიტლან კოლინსი აშშ-ის პრეზიდენტისა და ევროკომისიის თავმჯდომარის პრესკონფერენციაზე არ დაუშვა. არხის ინფორმაციით, დონალდ ტრამპისა და ჟან-კლოდ იუნკერის ფოტოსესიის დროს ის "უადგილო კითხვებსა და ყვირილში" დაადანაშაულეს.