დაავადებათა კონტროლის ეროვნული ცენტრი გრიპის ვირუსთან გასამკლავებლად რეკომენდაციებს ავრცელებს. ცენტრის სამეცნიერო საბჭოს თავმჯდომარის, პაატა იმნაძის თქმით, ამ ტიპის ვირუსის პირველი შემთხვევები საქართველოში დაახლოებით ორ კვირაში გამოვლინდება.

გრიპის ვირუსისგან თავის დასაცავად რეკომენდაციები შემდეგია:

  • გაციებისა და გრიპის შემთხვევაში სამსახურში მისვლისა და ვირუსის გავრცელებისგან თავის არიდება;
  • ხველისა და ცემინების ეტიკეტის დაცვა — ამ დროს ცხვირსა და პირზე ხელსახოცის ან მკლავის მიფარებაა რეკომენდებული. თუ ვირუსი ხელზე მოხვდა და ხელი სხვა რამეს შეეხო, მისი გავრცელება ბევრად მარტივია, რადგან ვირუსი ცივ გარემოში ცოცხალი დაახლოებით შვიდი საათის განმავლობაში რჩება;
  • ხელების ხშირად დაბანა — გარეთ ყოფნის შემთხვევაში სასურველია ხელების დამუშავება ან სველი ხელსახოცის ტარება;
  • ვაქცინაცია — სახელმწიფო პროგრამით ვაქცინაცია უფასოა შემდეგი ჯგუფებისთვის: დიაბეტის მქონე ბავშვები, ჰემოდიალიზიანი პაციენტები, C ჰეპატიტის მქონე პაციენტები, აივ ინფიცირებულები, მოხუცთა თავშესაფარსა და ბავშვთა სახლში მყოფი პირები, ორსულები. ამ შემთხვევაში მაღალი რისკჯგუფია ექიმებიც. სახელმწიფო პროგრამით წელს 40 ათასი ადამიანის აცრა უკვე მთავრდება.

ამავე თემაზე: