ევროპული საქართველოს ლიდერი, გიგი უგულავა 2007 წლის 7 ნოემბრის გამო ბოდიშს იხდის. ამის შესახებ ის ფეისბუქზე წერს.

"ყველაფერს მოეძებნება ახსნა, ყველაფერს აქვს თავის წინაპირობები, მაგრამ 2007 წლის 7 ნოემბერს ჩვენ შეცდომა დავუშვით", — აღნიშნავს უგულავა.

ისვე აღნიშნავს, რომ 7 ნოემბრის საქმეზე მიმდინარე სასამართლო პროცესი არის ფარსი, პროპაგანდა და შურისძიების ნაწილი.

"2018 წლის 7 ნოემბერს ამით ვინც არჩევნების მოგებას აპირებს, მწარედ ცდება და არის პოლიტიკურად ბეცი", — დასძენს უგულავა.

2007 წლის 7 ნოემბერს პოლიციამ ცრემლსადენი გაზის, ხელკეტებისა და რეზინის ტყვიების გამოყენებით დაშალა რუსთაველის გამზირზე პარლამენტის შენობის წინ შეკრებილი ადამიანები. მოგვიანებით პოლიცია და სპეცდანიშნულების რაზმი იმედის ოფისშიც შეიჭრა და ტელეკომპანიამ მაუწყებლობა შეწყვიტა. პრეზიდენტმა მიხეილ სააკაშვილმა ქვეყანაში ვადამდელი არჩევნები გამოაცხადა, რომელიც 2008 წლის იანვარში ჩატარდა. არჩევნებში ისევ სააკაშვილმა გაიმარჯვა.