ირლანდიელმა მომღერალმა, შინეიდ ო’კონორმა, ოქტომბერში ტვიტერიდან განაცხადა, რომ ისლამი მიიღო და მისი ახალი სახელია შუჰადა დავიტი. მომღერალმა ტვიტერზე მომხმარებლის სახელი ჯერ კიდევ 2017 წელს გადაიკეთა და მაგდა დაირქვა.

რამდენიმე საათის წინ, მუსიკოსმა რასისტული და რელიგიურად დისკრიმინაციის შემცველი შინაარსის ტვიტების სერია გამოაქვეყნა:

"ძალიან ვწუხვარ, რომ ამის თქმა მიწევს, რადგან ეს რასისტულია და არასდროს მეგონა, რომ ჩემი სული ოდესმე ამას იგრძნობდა, მაგრამ აღარასდროს დავუთმობ დროს თეთრკანიანებს (თუ ასე ჰქვიათ მათ, ვინც მუსლიმი არაა). არავითარ შემთხვევაში გავატარებ მათთან დროს. ისინი ამაზრზენები არიან.

საინტერესოა თუ დამიბლოკავს ტვიტერი ამ ტვიტს, მაშინ, როცა ტრამპი სატანურ სიბინძურეს მსოფლიოს მასშტაბით ავრცელებს. მაპატიეთ, ხანდახან ღმერთს სჭირდება შავი საქმის შემსრულებლებიც.

თუ საკმარისად განათლებული თეოლოგი გარკვევას ეცდება, გაიგებს, რომ ყურანში ისეთი ძალადობა აღარ გვხვდება, როგორიც — თანუხში, ბიბლიასა თუ მაჰაბჰარატაში. და თითოეული მათგანი ჩვენს ეპოქაში უბრალოდ არარელევანტურია.

რელიგიის გამო აღარავინ უნდა დაიღუპოს. ეს იდიოტური აზრია. დასხედით და ქალები გაჩვენებთ, როგორ უნდა დააძინოთ ეშმაკი სიმღერით.

როგორ მოხდა, რომ ე.წ. ქრისტიანი და ებრაელი თეოლოგები არასდროს საუბრობენ, რომ მათი ფსალმუნები მტრების შვილების დახოცვას ქადაგებენ? ისინი სინამდვილეში ათეისტები და სატანისტები არიან".