დღეს სამტრედიის პოლიციის შენობასთან გაიმართა აქცია "პოლიციამ მოკლა დემურ სტურუა", რომელიც 22 წლის ბიჭის თვითმკვლელობას ეხმიანებოდა.

როგორც ერთ-ერთი აქტივისტმა, გიორგი ხასაიამ, ცოტა ხნის წინ On.ge-ს განუცხადა, აქციის დასრულების შემდეგ, ის და მისი მეგობარი გიორგი სოფრომაძე, ქუთაისისკენ მიდიოდნენ, როდესაც ისინი საპატრულოს ორმა ეკიპაჟმა გააჩერა და გიორგი სოფრომაძე დააკავეს.

გიორგი სოფრომაძე ერთ-ერთი იყო, რომელიც დღეს აქციაზე სიტყვით გამოვიდა. ის აუდიტორია 115-ის წევრიცაა. მათი ინფორმაციით, დაკავებულთან ადვოკატს ჯერ არ უშვებენ.

აქციის მონაწილეები On.ge-სთან საუბარში აცხადებენ, რომ გიორგი სოფრომაძე სხვა ადგილას გადაიყვანეს, თუმცა არ ეუბნებიან სად. ასევე არ პასუხობენ კითხვაზე, თუ რატომ არ უშვებენ დაკავებულთან ადვოკატს.

On.ge ცდილობს აღნიშნულ თემაზე შსს-სგან მიიღოს ინფორმაცია, რომელსაც მიღებისთანავე შემოგთავაზებთ.