ლილოში ოთხი სატრანსპორტო საშუალება ერთმანეთს შეეხაჯა, მათ შორის, ორი ყვითელი სამარშუტო ტაქსი. შეჯახებისას ერთი მიკროავტობუსი ამობრუნდა. შინაგან საქმეთა სამინისტროში On.ge-ს უთხრეს, რომ დაშავებულია რვა ადამიანი და მათი მდგომარეობა დამაკმაყოფილებელია.

თბილისის მიკროავტობუსში On.ge-ს განუცხადეს, რომ ავარიისას ამობრუნებული მიკროავტობისი #165 ხაზის იყო და მისი მგზავრები დაშავდნენ.

კომპანიის ცნობით, თავდაპირველად ტრაილერი დაეჯახა მერსედესის მარკის მანქანას, შემდეგ მერსედესი მიკროავტობუსს და მიკროავტობუსი მეორე მიკროავტობუსს. კომპანიაში განმარტავენ, რომ მიკროავტობუსის ბრალეულობა არ არის.

საქმეზე უკვე დაიწყო გამოძიება სისხლის სამართლის კოდექსის 276-ე მუხლის პირველი ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.