როცა საქმე პოდიუმზე გამოსვლას ეხება, მოდელები კატასავით მოქნილები და ელეგანტურები უნდა იყვნენ — არ უნდა წაბორძიკდნენ, ან წაიქცნენ და წონასწორობისთვის დაცვის დროს, მედიდური იერი უნდა შეინარჩუნონ. ალბათ ამიტომაც ჰქვია პოდიუმს ინგლისურად Catwalk.

თუმცა, სტამბოლში გამართულ ჩვენებაზე, მაყურებლების წინაშე ნამდვილი კატა მთელი თავისი დიდებულებით წარსდგა.

მას შემდეგ, რაც საკუთარი სხეული ენით გაისუფთავა და გვერდით ჩავლის გამო ერთ მოდელს ბრჭყალი მოუღერა, უსახლკარო კატამ პოდიუმზეც ჩაიარა და რა თქმა უნდა, გაოცებული მაყურებლებისთვის ყურადღება არც კი მიუქცევია.

"ყველანი შოკში ვიყავით", - უთხრა Dodo-ს თურქმა დიზაინერმა Göksen Hakkı Ali-მ და კითხვაზე, აქვს თუ არა კატას სამოდელო კარიერის შეთავაზება, უპასუხა, რომ ამის წინააღმდეგი არაა.

ნახეთ მოდის ახალი ვარსკვლავის პირველი კადრები პოდიუმიდან.