საქართველოს პრემიერ-მინისტრის, მამუკა ბახტაძის განცხადებით, საზოგადოების მოთხოვნა ჩატარებულიყო ევროპული ტიპის კამპანია ვერ შესრულდა გარკვეული პოლიტიკური ძალების დესტრუქციული ქმედებების გამო.

პრემიერ-მინისტრს არ დაუკონკრეტებია, რომელ ძალები დაადანაშაულა დესტრუქციულ ქმედებებში, თუმცა აღნიშნა, რომ ხელისუფლება არ დაუშვებს დისონანსის შეტანას საარჩევნო პროცესში.

"საზოგადოების მოთხოვნა და სურვილი ჰქონოდა ნამდვილი ევროპული ტიპის წინასაარჩევნო კამპანია ვერ მოხერხდა ბოლომდე გარკვეული პოლიტიკური ძალების დესტრუქციული რიტორიკის გამო. არ დავუშვებთ, რომ საარჩევნო პროცესში დისონანსი შეიტანოს რომელიმე უპასუხისმგებლო პოლიტიკურმა ძალამ", — განაცხადა მამუკა ბახტაძემ.

ბახტაძის განცხადებით, მისი ინიციატივით გამოიცა სპეციალური დადგენილება, რომლის მიზანია გამორიცხოს ადმინისტრაციული რესურსის არჩევნებში გამოყენება.

"მინდა მოვუწოდო მოქალაქეებს მივიდნენ არჩევნებზე და გამოხატონ თავისი არჩევანი. საქართველო ამ არჩევნებით კიდევ ერთ მნიშვნელოვან დემოკრატიის ტესტს ჩაატარებს და იმედი მაქვს, ამ ტესტს ისე ჩავაბარებთ, როგორც ჩვენს ქვეყანას ეკადრება. ბუნებრივია მთავრობამ გააკეთა ყველაფერი იმისთვის, რომ ეს არჩევნები ჩატარებულიყო გამჭვირვალე და დემოკრატიულ გარემოში", — განაცხადა ბახტაძემ.