დღეს, 22 ოქტომბერს პრემიერ-მინისტრმა მამუკა ბახტაძემ მწვანე პოლიტიკის სამოქმედო გეგმის პრეზენტაციაზე სიტყვით გამოსვლისას, ელექტრომობილების პოპულარიზაციაზე ისაუბრა. საქმე ეხება ინიციატივას, რაც ელექტრომობილების გაქირავების სერვისის დანერგვას გულისხმობს.

ბახტაძის თქმით, სამთავრობო გეგმის თანახმად, მომდევნო კვირიდან საქართველოში ელექტრომობილების შემოყვანა დაიწყება, ერთი წლის განმავლობაში კი 2000-ზე მეტი ელექტრომობილი შემოვა ე.წ. Car Sharing-ის, ანუ საზიარო ავტომობილების პრინციპით.

"ეს მნიშვნელოვნად შეამცირებს ტრაფიკს ჩვენს დედაქალაქში და ამავე დროს ხელს შეუწყობს იმას, რომ ელექტრომობილები გახდეს კიდევ უფრო პოპულარული ჩვენს ადილობრივ ბაზარზე", — აღნიშნა პრემიერმა და თქვა, რომ ეს პრაქტიკა დამატებითი ღირებულებას შეიტანს ქვეყნის ეკონომიკაში.