დღეს გამართულ ბრიფინგზე, ერთ ბლოკში გაერთიანებულმა გირჩის, ვაშაძისა და მემარჯვენეების პარტიების ლიდერებმა პაატა ბურჭულაძის პოლიტიკურ მოძრაობას, სახელმწიფო ხალხისათვის, გაერთიანება შესთავაზეს.

"ჩვენ ვფიქრობთ, რომ პაატა ბურჭულაძის პარტიასთან მიმართებაში, ჩვენ გვაქვს გადაკვეთის წერტილები იქ, სადაც ეს არის ყველზე მნიშვნელოვანი. ეს არის ევროინტეგრაციისაკენ და ევროატლანტიკური ალიანსისკენ სწრაფვა" - განაცხადა ზურაბ ჯაფარიძემ ბრიფინგზე.

ახალი პოლიტიკური ბლოკი ვაშაძე-ჯაფარიძე-ახალი არჩევანი 5 აგვისტოს შეიქმნა. აღნიშნულ ფაქტზე ზურაბ ჯაფარიძემ განაცხადა, რომ გაჩნდა პროდასავლური ხმების დაკარგვის საფრთხე, ამიტომაც გაერთიანდნენ.