მიუხედავად იმისა, რომ მეგობრების დასრულებიდან 14 წელი გავიდა, შოუმ მოახერხა და დროს გაუძლო.

ნეტფლიქსზე დადების დღიდან, სერიალს იმაზე გაცილებით მეტმა ადამიანმა უყურა, ვიდრე, მაგალითად Modern Family-ს.

საბოლოო ჯამში, მეგობრები წლიური, საშუალოდ 40 მილიონი მაყურებლით მესამე ადგილზეა და მას მხოლოდ დიდი აფეთქების თეორია და ბრუკლინ ნაინ-ნაინი უსწრებენ.

გამომდინარე იქიდან, რომ მეგობრები ძალიან დიდი ხნის წინ დასრულდა, მაყურებლის ასეთი რაოდენობა შოუსთვის უსაზღვროდ დიდი წარმატებაა.

ამერიკის გარდა, სერიალი პირველ ადგილს იკავებს დიდ ბრიტანეთში, სადაც მეგობრებს იმაზე გაცილებით მეტმა ადამიანმა უყურა, ვიდრე, The Crown-ს, Stranger Things-სა და სხვა სერიალებს.

შეგახსენებთ, რომ სერიალის დასრულების დღიდან მიდის მსჯელობა იმაზე, უნდა გაგრძელდეს თუ არა ის. ამ კითხვაზე საბოლოო პასუხი ჯერ არ გვაქვს, თუმცა ერთ-ერთი მთავარი როლის შემსრულებელმა, ჯენიფერ ენისტონმა თქვა, რომ ამ თემაზე ის და მისი პარტნიორები ხშირად საუბრობენ.