ინდოეთი ტექნოლოგიებზე დამოკიდებულებას სერიოზულ ყურადღებას უთმობს. ბანგალორში მენტალური ჯანმრთელობისა და ნეირომეცნიერებების ინსტიტუტში არსებობს სერვისი, რომელიც ადამიანებს ელექტრონულ მოწყობილობებთან ჯანსაღი ურთიერთობის ჩამოყალიბებაში ეხმარება. ცოტა ხნის წინ ცენტრში 26 წლის კაცი მივიდა, რომელმაც განაცხადა, რომ ექვს თვეზე მეტია, ნეტფლიქსზე დამოკიდებულია. ის დღეში შვიდი საათის განმავლობაში უყურებდა სერიალებსა და ფილმებს. სიმპტომები, რომლებმაც პაციენტი დახმარების საჭიროებაზე დააფიქრა, თავბრუსხვევა, თვალების დაძაბულობა და ძილის აშლილობა იყო.

ექიმი მანოჯ კუმარ შარმა ამბობს, რომ ნეტფლიქსზე დამოკიდებულება სამსახურის დაკარგვამ და ოჯახთან გართულებულმა ურთიერთობამ გამოიწვია. ნეტფლიქსის ყურება კაცისთვის პრობლემებისგან გაქცევის გზად იქცა.

ცხადია, უამრავი ადამიანი არსებობს, რომელიც საათობით უყურებს შოუებს, სერიალებსა თუ ფილმებს, თუმცა ამაში დამნაშავე არა იმდენად კომპანია, არამედ ამ სერვისის არასწორი ფორმითა და დოზით მოხმარებაა.

კომპანიის სტატისტიკით, საშუალო მომხმარებელი ნეტფლიქსის ყურებაში ყოველდღიურად 50 წუთის ატარებს.