ბრიტანული ალტერნატიული როკ-ჯგუფის პლასიბოს გიტარისტ-ბასისტმა სტეფან ოლსდალმა ინსტაგრამზე ფოტო გამოაქვეყნა, რომელშიც სარა და სალი ედვარდსთან ერთადაა.

თუ ეს სახელები არაფერს გეუბნებათ, მაშინ უკეთ შეგახსენებთ — დები პლასიბოს 1998 წლის ალბომის Without You I’m Nothing-ის ყდაზე არიან გამოსახულნი.

"სასიამოვნო იყო ამ ორ საყვარელ ადამიანთან ერთად საუბარი ჩვენს 20 წლის წინანდელ ალბომზე Without You I’m Nothing. ალბომის ყდისთვის სარას და სალის ფოტო კორინ დეიმ გადაუღო. იმის შემდეგ ბევრი რამ მოხდა, თუმცა სარა და სალი კვლავ მუშაობენ თავიანთ ჟურნალზე Blag Magazine, ჩვენ კი ალბომებს ვუშვებთ და ტურნეებს ვმართავთ", - წერს მუსიკოსი.

სტეფანის პოსტის აღწერის მიხედვით, ჯგუფი ალბომის 20 წლისთავზე ფანებს სიურპრიზს უმზადებს.