ქართული ოცნების დეპუტატის ზაქარია ქუცნაშვილის თქმით, ყოფილ მთავარ პროკურორს, ოთარ ფარცხალაძეს "გამომძალველის იმიჯი" მედიამ შეუქმნა. დიანა ტრაპაიძის დღის ამბებში ქუცნაშვილმა აღნიშნა, რომ ფარცხალაძე თანამდებობაზე ყოფნისას ვერ გამდიდრდებოდა, რადგან მთავარი პროკურორი რამდენიმე თვე იყო.

გადაცემის წამყვანმა, დიანა ტრაპაიძემ დეპუტატს ჰკითხა თუ რა განსხვავება იყო თავდაცვის ყოფილ მინისტრს, დავით კეზერაშვილსა და ოთარ ფარცხალაძეს შორის. ამაზე კი ქუცნაშვილმა განმარტა, რომ კეზერაშვილის მაგალითით მოყვანა არასწორია.

მისი თქმით, ფარცხალაძე თანამდებობაზე ყოფნის დროს ვერ გამდიდრდებოდა, რადგან პროკურორი რამდენიმე თვე იყო.

"მიუხედავად იმისა, რომ ორივეს საზოგადოების თვალში შეექმნა გამომძალველის იმიჯი. იმიჯურად ორივეს პრობლემა აქვს. ფარცხალაძესაც მედიამ შეუქმნა გამომძალველის იმიჯი. შესაბამისად, ახლა ცდილობთ, კეზერაშვილი და ფარცხალაძე დააკავშიროთ", — განაცხადა ქუცნაშვილთან.

ინფორმაციის თავისუფლების განვითარების ინსტიტუტი (IDFI) მიიჩნევს, რომ ქვეყანაში ელიტურ კორუდციასთან ბრძოლა კვლავ გამოწვევად რჩება. ორგანიზაციამ თავის განცხადებაში ყურადღება გაამახვილა რამდენიმე შემთხვევაზე, რომლებშიც შესაძლოა, კორუფციისა და სამოხელეო დანაშაულის ნიშნები იკვეთებოდეს, მათ შორის, საუბარია ყოფილ მთავარ პროკურორზე, ოთარ ფარცხალაძეზე:

  • ფარცხალაძის სავარაუდო მონაწილეობა თბილისის მერიასთან დაკავშირებულ საეჭვო გარიგებებში. აუდიტის სამსახურის მიერ ფაქტის გამოვლენის შემდეგ კი ოთარ ფარცხალაძე, სავარაუდოდ, იმ დროს მოქმედ გენერალურ აუდიტორს თავს დაესხა;
  • ომეგა ჯგუფის საქმეზე გავრცელებული ფარული ჩანაწერები, სადაც შესაძლო სამოხელეო დანაშაულის შემცველ ეპიზოდებში მონაწილეობენ სპორტის ყოფილი მინისტრი და ყოფილი მთავარი პროკურორი.