საქართველოს აეროპორტებში 2018 წელს, ცხრა თვის განმავლობაში 4 მილიონამდე მგზავრს მოემსახურნენ. ამის შესახებ ინფორმაციას სამოქალაქო ავიაციის სააგენტო ავრცელებს. მათი ცნობით, ეს მაჩვენებელი გასული წლის ანალოგიურ მაჩვენებელთან შედარებით 22%-ით გაიზარდა.

სააგენტოს ინფორმაცით, მგზავრთა ყველაზე დიდი ნაკადი თბილისის საერთაშორისო აეროპორტში დაფიქსიდა. მგზავრთა რაოდენობამ აქ 3 მილიონამდე მიაღწია, რაც 2017 წელთან შედარებით თითქმის 21%-ით მეტია.

სააგენტოს ცნობით, მგზავრთა ნაკადის მიხედვით მეორე ადგილას ბათუმის საერთაშორისო აეროპორტია, სადაც მგზავრთა რაოდენობამ 500 ათას გადააჭარბა. ეს მაჩვენებელი კი შარშან 20%-ით ნაკლები იყო.

ფოტო: სამოქალაქო ავიაციის სააგენტო

ბოლო, მესამე ადგილას კი ქუთაისის საერთაშორისო აეროპორტია, სადაც მგზავრთა რაოდენობა გასული წლის შემდეგ 39%-ით გაიზარდა. სამოქალაქო ავიაციის სააგენტოს განცხადებით, აქ ჯამში 450 ათასზე მეტ ადამიანს მოემსახურნენ.

სააგენტოში ამბობენ, რომ საქართველოს აეროპორტებში ჯამში 19 ათასამდე რეისი განხორციელდა.