რაკეტას, რომელსაც სოიუზის კაფსულაში მყოფი ორი ასტრონავტი საერთაშორისო კოსმოსურ სადგურამდე უნდა მიეყვანა ფრენის დროს პრობლემები შეექმნა.

ეკიპაჟი იძულებული გახდა, რომ ფრენა შეეწყვიტა და გაშვების ადგილთან ახლოს საავარიო დაშვება განეხორციელებინა.

"ეკიპაჟი დედამიწაზე ბალისტიკური დაშვების რეჟიმში ბრუნდება," - ნათქვამია ნასას განცხადებაში, რაც ნიშნავს, რომ კაფსულა დედამიწაზე უფრო მკვეთრი კუთხით დაეშვა, ვიდრე სტანდარტულად.

ეკიპაჟპმა კაფსულა უკვე დატოვა, ასტრონავტების სიცოცხლეს საფრთხე არ ემუქრება და მათ დახმარებას საძიებო და სამაშველო ჯგუფები უწევნ.

რუსული კოსმოსური სააგენტო სპეციალური კომისიის შექმნაზე უკვე მუშაობს, რომელიც ინციდენტს გამოიძიებს და მის გამომწვევ მიზეზებს დაადგენს.