ამერიკის შეერთებული შტატების პრეზიდენტი, დონალდ ტრამპი აცხადებს, რომ მსოფლიოში არავინაა მის შვილზე, ივანკაზე უფრო მეტად კვალიფიციური კადრი გაეროში აშს-ის ელჩის კანდიდატურაზე. დონალდ ტრამპს მიაჩნია, რომ ივანკა ამ პოსტს იმსახურებს, მაგრამ თუ მას დანიშნავს ნეპოტიზმში დაადანაშაულებენ.

"ნეპოტიზმი არაფერ შუაშია, რადგან ვინც იცნობს ყველამ იცის, რომ ივანკა ნამდვილი დინამიტი იქნება", — ამ არგუმენტით გაამართლა ამერიკის პრეზიდენტმა საკუთარ შვილის ელჩად დანიშვნის სურვილი.

ტრამპმა ივანკას კანდიდატურაზე მას შემდეგ ისაუბრა, რაც გაეროში აშშ-ის მუდმივმა წარმომადგენელმა, ნიკი ჰეილიმ განაცხადა, რომ თანამდებობას ტოვებს.

ივანკა ტრამპი ამერიკის პრეზიდენტის ადმინისტრაციის წევრია. მამამისმა ის პირად მრჩევლად დანიშნა. მსოფლიო ლიდერის მრჩეველობისთვის ივანკა ანაზღაურებას არ იღებს. პრეზიდენტის ადმინისტრაციაშია დასაქმებული ივანკას ქმარი, ჯარედ კუშნერიც, რომელიც დონალდ ტრამპის უმცროსი მრჩეველია.