ინგლისში გატაცებულმა თინეიჯერმა გოგომ შეძლო და გადაუდებელი დახმარების ნომერზე დარეკა. მან პოლიციას დილის საათებში შეატყობინა, რომ თავდამსხმელთან ერთად ბოსტონში იმყოფებოდა.

მსხვერპლი გაუპატიურებული იყო. მან პოლიციას სავარაუდო ადგილსამყოფელის აღწერილობა მიაწოდა, რის შემდეგაც სამართალდამცველებმა მის საპოვნელად დრონი და მასზე მიმაგრებული თერმული კამერა გამოიყენეს.

პოლიციის მიერ გავრცელებულ უნიკალურ კადრებში 16 წლის გოგოს გადარჩენისა და თავდამსხმელის დაპატიმრების მომენტი ჩანს.

ადგილობრივი პოლიციის განცხადებით, ოფიცრები თერმული კამერით აღჭურვილ დრონებს ხშირად იყენებენ. მათი დახმარებით ცოცხალი სხეულების დაფიქსირება ადვილია, რაც პოლიციას დაკარგული ადამიანის ან დამნაშავის პოვნაში ეხმარება.