რაკეტის გაშვება ერთ-ერთი ყველაზე შთამბეჭდავი სანახაობაა, თუმცა გუშინ ღამით კალიფორნიის მოსახლეობას განსაკუთრებით გაუმართლა.

SpaceX-მა ლოს-ანჯელესის ჩრდილოეთით არსებული ვანდენბერგის საჰაერო ბაზიდან Falcon 9 პირველად გაუშვა.

Falcon 9-მ ორბიტაზე არგენტინული სატელიტი SAOCOM 1A გაიყვანა. რაკეტის გამშვები ნაწილი კი ამერიკის დასავლეთ სანაპიროზე წარმატებით დაეშვა.

რაკეტის ძრავიდან გამოყოფილი გაზებით ღამის ცაზე ულამაზესი სანახაობა შეიქმნა, რომელიც რამდენიმე წუთს გაგრძელდა.

ეს ყველაფერი ფოტოგრაფებს უყურადღებოდ არ დარჩენიათ. ინტერნეტში რაკეტის გაშვების უამრავი ულამაზესი ფოტო გავრცელდა.

სურათები საკუთარ ტვიტერზე კალიფორნიის მერმა და ილონ მასკმაც გაავრცელა.

სურათების გარდა გავრცელდა უამრავი ვიდეოც, რომელშიც რაკეტის გაშვების მთლიანი პროცესი ჩანს.