საქართველოს ქალ მოჭადრაკეთა ნაკრებმა, ბათუმში მიმდინარე 43-ე საჭადრაკო ოლიმპიადაზე, ბრინჯაოს მედალი მოიპოვეს. საქართველოს ნაკრებმა 17 ქულა დააგროვა.

საქართველოს ნაკრებმა ბოლო შეხვედრა სომხეთის საკმაოდ ძლიერ გუნდთან დამაჯერებლად მოიგო 3:1. ნანა ძაგნიძემ და ლელა ჯავახიშვილმა გაიმარჯვეს, ნინო ბაციაშვილმა და ბელა ხოტენაშვილმა კი ყაიმი ითამაშეს.

საქართველომ ოლიმპიადაზე 6 გუნდით იასპარეზა - 3 ქალების და 3 კაცების. ქალთა მეორე გუნდმა 11 ტურში მოპოვებული, 7 გამარჯვებით, 3 მარცხით და 1 ყაიმით საბოლოოდ 16 ქულა დააგროვა და მე-9 ადგილზე გავიდა.

ქალთა მესამე გუნდმა ირანთან შეხვედრა 1:3 დათმო. 11 ტურში 6 გამარჯვება, 4 მარცხი და 1 ყაიმი, რაც ჯამში 13 ქულას და 41-ე ადგილს ნიშნავს.