მმართველი პარტიის მხარდაჭერილმა კანდიდატმა, სალომე ზურაბიშვილმა ამომრჩეველთან შეხვედრისას საზოგადოების და ოპონენტების მხრიდან მის მიმართ კრიტიკაზე ისაუბრა. ზურაბიშვილის თქმით, მსგავსი აგრესია და შუღლი საბჭოთა კავშირში აბრუნებს საქართველოს.

"ამ დონეზე აგრესია, სიძულვილი, სიტყვიერი და ფსიქოლოგიური ძალადობა მე არსად არ მინახავს. თუნდაც ამ ქვეყანაში არ მინახავს, წინა არჩევნებზეც", — განაცხადა ზურაბიშვილმა.

ზურაბიშვილის მიმართ კრიტიკა მას შემდეგ დაიწყო, როცა განაცხადა რომ 2008 წლის აგვისტოს ომში საომარი ვითარება საქართველომ დაიწყო. საზოგადოების და ოპონენტების ნაწილი მას "მოღალატეს" უწოდებს.