"შაბათს, 20 აგვისტოს, 13:00 საათზე ვიკრიბებით თბილისში, სახელმწიფო კანცელარიასთან და შემდეგ მივდივართ სამტრედიაში, პოლიციის შენობასთან, სადაც აქცია დაიწყება 17:00 საათზე", - თეთრი ხმაურის მოძრაობა დემურ სტურუას გარდაცვალებასთან დაკავშირებით აქციას აანონსებს.

სამტრედიის რაიონის სოფელ დაფნარში 8 აგვისტოს 22 წლის ბიჭმა თავი მოიკლა. თვითმკვლელობის მიზეზი სავარაუდოდ პოლიციის მხრიდან ზეწოლაა.

აქციის ორგანიზატორები აცხადებენ, რომ დემურ სტურუას თვითმკვლელობის აქტი საპროტესტო გზავნილია, რომელიც თითოეულ მოქალაქეს ეხება:

"სახელმწიფოს მიერ მასზე განხორციელებული უგუნური პოლიციური ძალადობა საკადრის პასუხს საჭიროებს".

აქციის ინიციატორები მოითხოვენ, რომ

  1. პასუხისმგებლობაში მიეცეს პოლიციელი გოდერძი თევზაძე და მისი მეწყვილე, რომლის ვინაობასაც პოლიცია ამ დრომდე ასაიდუმლოებს.
  2. თანამდებობა დატოვოს სამტრედიის რაიონული პოლიციის უფროსმა.
  3. შსს-ს მინისტრმა საზოგადოებრივი ორგანიზეციების თანამონაწილეობით შექმნას მონიტორინგის ჯგუფი, რომელიც თბილისსა და რეგიონებში პოლიციის მხრიდან ძალის გადამეტებისა და შანტაჟის პრაქტიკებს შეისწავლის.
  4. დაუყოვნებლივ გადაიდგას ქმედითი ნაბიჯები რეპრესიული ნარკოპოლიტიკის შესაცვლელად.