სახელმძღვანელოების გრიფირების პროცესში სხვადასხვა სახის დარღვევები გამოვლინდა, სადაც შესაძლოა სისხლის სამართლის დანაშაული იკვეთებოდეს. ამის შესახებ განცხადება განათლების, მეცნიერების, კულტურისა და სპორტის სამინისტრომ გაავრცელა.

სამინისტროს ცნობით, გრიფირების პროცესთან დაკავშირებით საქმის შესწავლა სამინისტროს ინსპექტირების სამსახურს დაევალა, თუმცა ინსპექტირების დასკვნა სამართალდამცავ ორგანოებს შემდეგი რეაგირებისთვის გადაეგზავნებათ. სამინისტროში არ უთქვამთ, თუ რა სახის დარღვევებზეა საუბარი.

უწყებაში აცხადებენ, რომ ფინალურ ეტაპზე ამ პროცესის შეჩერება ან გადავადება ვერ მოხერხდა, რადგან ეს საკითხი რისკის ქვეშ აყენებდა მოსწავლეებისათვის სახელმძღვანელოების გადაცემას სასწავლო წლის დაწყებამდე.