თბილისის მერიის ინფორმაციით, ტაქსების რეგისტრაცია დღეს, 29 სექტემბერს მუნიციპალური სერვისების განვითარების სააგენტოს მომსახურების ცენტრებში იქნება შესაძლებელი. მერიის ცნობით, მძღოლები რეგისტრაციას 18:00 საათამდე, შემდეგ მისამართებზე გაივლიან:

  • ქ. თბილისის მუნიციპალიტეტის მერიის შენობაში არსებული სერვის ცენტრი - შარტავას ქუჩა N7;
  • ვაკის სერვის ცენტრი — თამარაშვილის ქუჩა N10ა;
  • გლდანის სერვის ცენტრი — დ. სარაჯიშვილის ქუჩა N1გ;
  • ისნის სერვის ცენტრი — ნავთლუღის ქუჩა N8/1;
  • დიდუბის სერვის ცენტრი — რობაქიძის გამზირი N2;
  • სამგორის სერვის ცენტრი — მოსკოვის გამზირი N14;
  • კრწანისის სერვის ცენტრი — ორთაჭალის ქუჩა N4, II სართული, საუბნო განყოფილების შენობა;
  • მთაწმინდის სერვის ცენტრი — ძმები ზუბალაშვილების ქუჩა N48;
  • ჩუღურეთის სერვის ცენტრი — ზაზიაშვილის ქუჩა N2, დადიანის ქუჩა N1 (არმისული ქარვასლასთან, საუბნო განყოფილების შენობა);
  • საბურთალოს სერვის ცენტრი — ა. მიცკევიჩის ქუჩა N29;
  • ნაძალადევის სერვის ცენტრი — გურამიშვილის გამზირი, N16 კორპუსის მიმდებარედ.

თბილისის მერიის ინფორმაციით, ამჟამად 9 600-ზე მეტი ნებართვაა გაცემული. უწყების ცნობითვე, ტაქსის მძღოლებს ნებართვის აღება მომდევნო პერიოდშიც შეეძლებათ, თუმცა პირველი ოქტომბრიდან ნებართვის არმქონე მძღოლები მომსახურების გაწევის შემთხვევაში დაჯარიმდებიან.

გუშინ, 18 სექტემბერს თბილისის იუსტიციის სახლში, ორი კონკრეტული სერვისის გამო, მომხმარებელთა რეკორდული ზრდა დაფიქსირდა.

სერვისები, რომლებმაც იუსტიციის სახლში რიგები და ხალხის რეკორდული რაოდენობა გამოიწვია, ტაქსით მომსახურების ლიცენზია და მძიმე, მავნე და საშიშპირობებიანი სამუშაოების განმახორციელებელ პირთა საქმიანობის რეგისტრაცია იყო.