ჰელოუინი ახლოვდება და მონსტრები, მოჩვენებები თუ საშიში არსებები სულ უფრო აქტუალური ხდება, ამ პროცესის კვალდაკვალ კი ვირჯინიელმა ქალმა მეზობლის ეზოში არც მეტი, არც ნაკლები ორთავიანი გველი იპოვა.

გველი, რომელსაც ორი თავი აქვს საკმაოდ იშვიათი მოვლენაა და თავისუფლად შეიძლება ითქვას, რომ ქალს ძალიან "გაუმართლა", თუმცა სულ სხვა თემაა ამ ყველაფრით თავად რამდენად ბედნიერია.

"აქ ძილს აღარავინ აპირებს", - იხუმრა კლეოფრიმ და მამაცი ადამიანებისთვის ფეისბუკის საკუთარ გვერდზე ორთავიანი გველის ამსახველი ვიდეოც ატვირთა.

ვირჯინიის ველური ბუნების ცენტრში კი გველის გამოკვლევის შემდეგ განაცხადეს, რომ მარცხენა თავი გაცილებით აქტიური და დომინანტურია, თუმცა საყლაპავი მილი მარჯვენა თავს უფრო განვითარებული აქვს.