ბათუმში ამომრჩეველთან შეხვედრის დროს ქართული ოცნების მიერ მხარდაჭერილ კანდიდატს, სალომე ზურაბიშვილს ერთ-ერთმა მოქალაქემ მოღალატე უწოდა. დარბაზში დამსწრეები კაცის დარბაზიდან გაყვანას ცდილობდნენ. ზურაბიშვილი კი ამბობდა, რომ მოქალაქისთვის თავი დაენებებინათ.

"მოღალატეა, საქართველოს პრეზიდენტობის კანდიდატი არის მოღალატე, რაც მინდოდა იმის თქმა, ვუთხარი", — ამბობდა კაცი დარბაზიდან გაძევების დროს.

ხმაურიანი შეხვედრის ამსახველი ვიდეომასალა ტვ პირველმა გაავრცელა.