ევროპული საქართველო უწყებათაშორისი საარჩევნოს კომისიის მუშაობაში მონაწილეობას აღარ მიიღებს. ოთო კახიძის განმარტებით, ისინი იუსტიციის მინისტრის, თეა წულუკიანის თავმჯდომარეობითა და კომისიის მუშაობით არიან უკმაყოფილო.

"დახურულია მედიისთვის, რომ საზოგადოებამ არ დაინახოს შიგნით რაც ხდება. არცერთ დარღვევაზე არ დაფიქსირებულა ადეკვატური რეაგირება. მინისტრი თავს ესხმის არამხოლოდ პოლიტიკურ ოპონენტებს, არამედ არასამთავრობო სექტორსაც და პრაქტიკულად იქ დარჩენის აზრს ჩვენ ვერ ვხედავთ", — განაცხადა ოთარ კახიძემ.

რამდენიმე დღის წინ იუსტიციის მინისტრი გააკრიტიკეს არასამთავრობო ორგანიზაციებმაც. კომისიას ბოიკოტი გამოუცხადეს სამართლიანმა არჩევნებმა და საქართველოს ახალგაზრდა იურისტთა ასოციაციამ.