ახალი საქართველოს ლიდერმა, გიორგი ვაშაძემ 2018 წელს თავის პარტიას 57 ათასი ლარი შესწირა. როგორც აუდიტის სამსახურის ვებგვერდზეა მითითებული, სექტემბერში ვაშაძემ პარტიას 35 ათასი ლარი შესწირა, აგვისტოში — 2 ათასი ლარი, ხოლო ივლისში — 20 ათასი.

გიორგი ვაშაძის მიერ პარტიისთვის გადარიცხული თანხა ახალი საქართველოს შემოსავლების მესამედზე მეტია. წლის განმავლობაში პარტიამ 156 996,5 ლარის შემოწირულობა მიიღო.

როგორც გიორგი ვაშაძემ On.ge-ს განუცხადა, მას წლიურად იმაზე დიდი შემოსავალი აქვს, ვიდრე პარტიისთვის შეწირული თანხაა. მისივე განმარტებით, ის მსოფლიოს სხვადასხვა ქვეყანაში ახალი თაობის რეფორმებს ატარებს.

პარტიის ერთ-ერთი შემწირველია ცენტრალური საარჩევნო კომისიის ყოფილი თავმჯდომარე და სამოქალაქო ალიანსი საქართველოსთვის ლიდერი, ზურაბ ხარატიშვილი. მან ვაშაძის პარტიას 30 ათასი ლარი გადაურიცხა.

ხარატიშვილის პარტია, ახალ საქართველოსთან ერთად, ოპოზიციური გაერთიანების ძალა ერთობაშია წევრია. ამავე დროს, აუდიტის სამსახურის ვებგვერდზე არ იძებნება ზურაბ ხარატიშვილის მიერ თავისი პარტიისთვის გადარიცხული თანხა.

ამავე თემაზე: