ატენის ხეობაში, ტყის მასივში ცეცხლის ორი კერა გაჩნდა. ამის შესახებ ინფორმაციას საგანგებო სიტუაციების მართვის სამსახური ავრცელებს. უწყების ცნობით, ხანძრის ეპიცენტრში არსებული რთული რელიეფის გამო, ადგილზე დამატებითი ძალების მობილიზების პროცესი მიმდინარეობს.

საგანგებოს ინფორმაციით, ხანძრის ქრობის პროცესში ჩაერთვება ტყის სახანძრო სპეცმანქანები და 7 ათტონიანი წყალმზიდი. მათივე ინფორმაციით, ადგილზე იგეგმება დამატებითი ცოცხალი ძალის მობილიზება.