აშშ-ის სენატორის ჯონ მაკკეინის დაკრძალვაზე მთავრობისა და პრეზიდენტის ადმინისტრაციიდან არავინ მიდის. ამის შესახებ On.ge-ს პრესსამსახურებმა დაუდასტურეს.

დღეს, 29 აგვისტოს პრემიერ-მინისტრმა მამუკა ბახტაძემ განაცხადა, რომ სენატორის დაკრძალვაზე მმართველი გუნდის წარმომადგენლები გაემგზავრებოდნენ.

როგორც მთავრობის პრესსამსახურმა On.ge-ს უთხრა, დაკრძალვას აშშ-ში საქართველოს ელჩი დავით დაესწრება. პარლამენტის პრესსამსახურმა კი განმარტა, რომ მმართველი გუნდიდან ვიცე-სპიკერი, თამარ ჩუგოშვილი გაემგზავრებოდა.

საპარლამენტო დელეგაციასთან ერთად აშშ-ში ევროპული საქართველოს პრეზიდენტობის კანდიდატი დავით ბაქრაძე გაემგზავრება.

ჩვენ ვცდილობთ გავარკვიოთ დაესწრებიან თუ არა ერთიანი ნაციონალური მოძრაობიდან და პატრიოტთა ალიანსიდან. ინფორმაციას მიღებისთანავე მოგაწოდებთ.

აშშ-ის რესპუბლიკელი სენატორი ჯონ მაკკეინი 81 წლის ასაკში 25 აგვისტოს გარდაიცვალა. 2017 წელს მაკკეინის აგრესიული ფორმის კიბოს დიაგნოზი დაუსვეს და სასწრაფო ოპერაცია გაუკეთეს. გარდაცვალებამდე ერთი დღით ადრე მისმა ოჯახმა განცხადა, რომ სენატორი მკურნალობას წყვეტდა.

მაკკეინი არაერთხელ იმყოფებოდა საქართველოში და აშშ-ს საკანონმდებლო ორგანოში საქართველოს ინტერესებს იცავდა. 2006 წელს საქართველოს პრეზიდენტმა, მიხეილ სააკაშვილმა სენატორი მაკკეინი წმინდა გიორგის ორდენით, 2010 წლის იანვარში კი ეროვნული გმირის ორდენით დააჯილდოვა, იმ თანადგომისთვის, რომელიც მან საქართველოს რუსეთთან ომის დროს აღმოუჩინა.

გაიგეთ მეტი: