მესტიაში, სოფელ უშგულში 19 წლის ბიჭი კოშკზე ავიდა და გადმოვარდა. ამის შესახებ ინფორმაცია On.ge-ს საგანგებო სიტუაციების მართვის სამსახურში დაუდასტურეს.

როგორც უწყებაში ამბობენ, ბიჭს ექიმებმა ადგილზევე აღმოუჩინეს პირველადი დახმარება, თუმცა მისი ჯანმრთელობის მდგომარეობიდან გამომდინარე, მისი ვერტმფრენით გადმოყვანა გახდა საჭირო.

საგანგებო სიტუაციების მართვის სამსახურში ამბობენ, რომ ადგილზე შინაგან საქმეთა სამინისტროს სასაზღვრო პოლიციის ვერტმფრენი გააგზავნეს და ბიჭი ღუდუშაურის კლინიკაში გადაჰყავთ.

არსებული ინფორმაციით, დაშავებულის მდგომარეობა მძიმეა.