ჩეხეთის პარლამენტმა 1968 წელს ჩეხოსლოვაკიაში საბჭოთა და ვარშავის პაქტის ქვეყნების ჯარების შეჭრა ოკუპაციად აღიარა. როგორც რადიო თავისუფლების რუსული ბიურო წერს, რეზოლუციის მიზანია თავიდან აიცილონ ისტორიის დამახინჯება.

დოკუმენტის ინიციატორებმა განაცხადეს, რომ რეზოლუცია რუსეთისთვისა და სხვა ქვეყნებისთვის მკაფიო გზავნილი გახდება.

1968 წლის 21 აგვისტოს საბჭოთა ჯარმა ჩეხოსლოვაკიის საზღვარი გადაკვეთა. ოპერაციაში, ასევე, მონაწილეობდნენ ჯარები პოლონეთიდან, ბულგარეთიდან, უნგრეთიდან და გერმანიის დემოკრატიული რესპუბლიკიდან. მოსკოვმა ჯარები შეიყვანა, რათა ჩეხოსლოვაკიის კომპარტიის ლიბერალური რეფორმები ჩაეხშო. საბჭოთა კონტიგენტი ქვეყანაში 1991 წლამდე იდგა. ამ პერიოდს ჩეხეთში ოკუპაციას უწოდებენ.

ამავე თემაზე: