ჟურნალმა Forbes-მა 2018 წლის ყველაზე მაღალანაზღაურებადი მსახიობი კაცების სია გამოაქვეყნა და როგორც აღმოჩნდა, დუეინ ჯონსონმა თავისი 2017 წლის შემოსავალი თითქმის გააორმაგა და ბოლო 12 თვეში $119 მილიონი გამოიმუშავა.

სიის პირველ ადგილს ჯორჯ კლუნი იკავებს. მისი ანაზღაურება $239 მილიონია, მაშინ, როცა 2018 წლის ყველაზე მაღალანაზღაურებად მსახიობ ქალს, სკარლეტ იოჰანსონს $40,5 მილიონს სთავაზობენ.

ეს კიდევ ერთხელ აჩვენებს, თუ რამდენად არათანაბარ პირობებში არიან ჰოლივუდში მსახიობი ქალები და კაცები. საერთო სიაში, სკარლეტი მეშვიდე ადგილს დაიკავებდა. 2017 წელს, ყველაზე მაღალანაზღაურებადი მსახიობი ქალი, ემა უოტსონი, საერთო სიის ათეულში საერთოდ ვერ მოხვდა.

2018 წლის ყველაზე მაღალანაზღაურებადი მსახიობი კაცების სია ასე გამოიყურება:

  1. ჯორჯ კლუნი - $239 მლნ
  2. დუეინ ჯონსონი - $119 მლნ
  3. რობერტ დაუნ უმცროსი - $79 მლნ
  4. კრის ჰემსვორტი - $64,5 მლნ
  5. ჯეკი ჩანი -$45,5 მლნ
  6. უილ სმიტი - $42 მლნ
  7. აკშაი კუმარი -$40,5 მლნ
  8. ადამ სენდლერი - $39,5 მლნ
  9. კრის ევანსი - $34 მლნ
  10. სალმან ხანი - $33,5 მლნ

ნახეთ: 2018 წლის ყველაზე მაღალანაზღაურებადი მსახიობი ქალები