შემაძრწუნებელ ვიდეოში ჩანს, როგორ ცდილობს მანქანა ტყეში ხანძარს გაექცეს. მონტანელი ჯასტინ ბილტონი და მისი 70 წლის მამა ტყეში სალაშქროდ წავიდნენ, თუმცა წარმოდგენაც კი არ ჰქონდათ, რომ მოგზაურობა მათ სიცოცხლეს საფრთხეს შეუქმნიდა.

კარავის გაშლიდან მეორე დღეს მათ შენიშნეს, რომ ელვის შემდეგ შორს, ტყის ერთ ნაწილში ცეცხლი გაჩნდა, რომელიც სულ მალე გადაიზარდა დიდ ხანძარში და 30კმ2-ის ფართობზე გავრცელდა. მამა-შვილი მაშინვე დაქირავებულ მანქანაში ჩაჯდა, რომ უსაფრთხო ადგილას გადასულიყო.

"'მამა, სასწრაფოდ უნდა მოვშორდეთ აქაურობას' - ვუთხარი მას, როგორც კი პატარა კვამლი შევნიშნე, თუმცა შოკში ჩავვარდი, როცა დავინახე, რაში გადაიზარდა პატარა ცეცხლი", - იხსენებს ჯასტინი.

გზაში მან ვიდეოს გადაღება დაიწყო, სადაც მისი შეშინებული ხმა ისმის:

"ღმერთო, მამა, მანქანა გავარვარებულია, სადაცაა აფეთქდება. ღმერთო, დაგვემარე. მამა, რა მოხდება, თუ ხე დაგვეცემა? ვერ გადავრჩებით!".

როგორც ჯასტინი ამბობს, უკანა ფანჯრიდან ვეღარაფერს ხედავდა, თუმცა სვლას არ ანელებდა. გზის ბოლოს ისინი ტბას მიუახლოვდნენ, სადაც ნავი დაინახეს და ხელების ქნევა დაუწყეს. სწორედ მათ გადაარჩინეს ხანძრიდან გამოქცეული მამა-შვილი.