სახანძრო წესების დარღვევისთვის 2018 წლის პირველი იანვრიდან პირველ ივლისამდე სულ 510 ობიექტი დაჯარიმდა. ამის შესახებ On.ge-ს საგანგებო სიტუაციების მართვის სამსახურში განუცხადეს. ჯარიმამ კი ჯამში 51 800 ლარი შეადგინა.

უწყების განმარტებით, შვიდი თვის განმავლობაში სულ 248 ობიექტი შემოწმდა, აქედან 66 კლუბი და გასართობი ცენტრი იყო, ხოლო 182 სავაჭრო ცენტრი და კომპლექსი.

საგანგებო სიტუაციების მართვის სამსახურში ამბობენ, რომ პირველ აგვისტომდე ჯარიმის ოდენობა 50-დან 200 ლარამდე შეადგენდა, ხოლო დღეის მდგომარეობით ჯარიმა გაიზარდა და 2 000-დან 5 000-მდე შეადგენს.