რა აქტივობებით შეგიძლიათ გაერთოთ Echowaves-ზე დღის განმავლობაში

Echowaves-ის დაწყებამდე 2 დღე რჩება. 23-26 აგვისტოს ანაკლიაში ფესტივალი პირველად ჩატარდება და მის ორგანიზებაში ქართულ მხარესთან ერთად სლოვენიური ორგანიზაცია - Eastern European Music management (EEMM) და სერბული EXIT ფესტივალიც არის ჩართული. პროექტი Check in Georgia-ს ფარგლებაში ხორციელდება.

4 დღის განმავლობაში ფესტივალის ვიზიტორებს მუსიკის გარდა სხვადასხვა გასართობ, შემეცნებით და სპორტულ აქტივობებიც შეეძლებათ ჩართვა: ვორქშოფები, ზიპ-ლაინი, ფეხბურთი, კალათბურთი, ფრენბურთი, იოგა, სამაგიდოთამაშები, ფერებისფესტივალი, დაა.შ. დაინტერესებულისტუმრებიშეძლებენპროფესიონალებისგანაითვისონმაკრამესდასხეულზემოხატვისხელოვნება,ისწავლონხელნაკეთინივთებისშექმნა. ასტროლოგიით დაინტერესებულებს იშვიათი შესაძლებლობა ექნებათ, სრულიად უფასოდ მიიღონ რჩევები პროფესიონალი ასტროლოგისგან. მირანდა ნამიჩეიშვილი, რომელიც არაერთ ევროპულ ფესტივალზეა ნამყოფი საკუთარი ვორქშოფებით, ამჯერად დაბადებისკონსულტაციას Echowaves-ის სტუმრებს გაუწევს.

გაგაცნობთ დეტალურ განრიგს, თუ რა დროს რა აქტივობებში შეგეძლებათ ჩართვა ფესტივალის მსვლელობისას

ზიპლაინი
24, 25, 26 აგვისტო - 12:00 - 20:00

მოგზაურობას 30 მეტრის სიმაღლის პლატფორმიდან - EYE კონსტრუქციიდან იწყებ და აკვაპარკისკენ მიემართები. ზიპლაინის სიგრძე 150 მეტრია. ამ გზის გავლისას ფესტივალის ტეროტორიას თავზე გადაუფრენ და ყველაფრის დანახვას შეძლებ.

სლექლაინი
24, 25, 26 აგვისტო - 10:00 - 20:00

ისწავლე სიარული და ბალანსის დაცვა და გაერთე ამ სახალისო აქტოვობოთ მეგობრებთან ერთად. თოკი ხეებს შორისაა გაბმული, მიწიდან 1 მეტრის დაშორებით. არ შეგეშინდეს, თუ ჩამოვარდები, დაზიანებებს არ მიიღებ.

ფრისბი
24, 25, 26 აგვისტო – 10:00 - 20:00

ჩვენ უფასო მფრინავი დისკებით (ფრისბებით) მოგამარაგებთ, რომ თავისუფალ დროს მეგობრებთან ერთად გაერთოთ.

კალათბური
24, 25 აგვისტო - 10:00 - 20:00
26 აგვისტო - 18:00 - 22:00

ფესტივალზე ქუჩის კალათურთითაც შეგიძლიათ თავი შეიქციოთ. შეკრიბეთ გუნდები და ეთამაშეთ ერთმანეთს რამდენჯერაც გინდათ.

ფეხბურთი
24 აგვისტო - 12:00 - 19:00
25 აგვისტო - 10:00 - 18:00
26 აგვისტო - 10:00 - 20:00

რადგანაც ეს მსოფლიო ჩემპიონატის წელია, ჩვენც არ ავუვლით გვერდს ამ სპორტს. მოირგეთ საჭირო ფეხსაცმელი, შეკარით გუნდი და გაიტანეთ პირველი გოლი.

ამერიკული ფეხბურთი
24 აგვისტო - 19:00 - 21:00
25 აგვისტო - 18:00 - 20:00
26 აგვისტო - 20:00 - 22:00

ფესტივალზე ამერიკულ ფეხბურთის თამაშსაც შეძლებთ. მასტერკლასებს ქართველიდ ამერიკელი ინსტრუქტორები ჩაგიტარებენ. აღჭურვილობით ფესტივალი მოგამარაგებთ.

ფრენბურთი
24, 25, 26 აგვისტო - 10:00 - 20:00

ფრენბურთი პლაჟის ერთ-ერთი ყველაზე პოპულარული თამაშია და რა თქმა უნდა, ის Echowaves-ზე იქნება. არ მოადუნოთ კუნთები - ბურთი თქვენს განკარგულებაშია.

იოგა
24, 25, 26 აგვისტო – 10:00 - 11:00 – 19:00 - 20:00

დღეში ორჯერ, მზის ამოსვლას და მზის ჩასვლას შეგიძლიათ იოგას გურუებთან ერთად შეხვდეთ და ამ ძალიან სასარგებლო აქტოვობვით დაკავდეთ.

საჰაერო ბუშტები
26 აგვისტო - 18:00 - 18:30

ფესტივალის მსვლელობისას 1000-ზე მეტ ფერადი ბუშტს გავუშვებთ. ისიამოვნე ამ დასამახსოვრებელი მომენტით.

მონსტრი საპნის ბუშტები
23, 24, 25 აგვისტო – 22:00 - 22:30

არ გამოტოვო საღამოობით ეს ლამაზი სანახაობა: სხვადასხვა ფორმაში გარდასახული ჰაეროვანი ბუშტები მიწის ზედაპირის ფერებს აირეკლავენ და მუსიკის ფონზე განსაკუთრებულად საინტერესო ატმოსფეროს შექმნიან.

ფერების ფესტივალი
24 აგვისტო - 18:00-18:45

ჰოლი, რომელსაც სხვანაირად ფერების ფესტივალს ან სიყვარულის ფესტივალს უწოდებენ, ინდოეთიდან და ნეპალიდან მოდის და ის სიკეთის ბოროტებაზე გამარჯვების ერთგვარი სიმბოლოა. ჩაინიშნე ეს დღე კალენდარში.