გერმანული ტაბლოიდი Bild რუსეთის ოლიმპიურ ნაკრებს ბოიკოტს უცხადებს. გაზეთის რედაქციამ ოლიმპიადის დაწყებამდე გამოაცხადა, რომ დოპინგ სკანდალში გახვეული ქვეყნის ნაკრების შესახებ არაფერს დაწერდა.

ბილდი თავის სიტყვას ასრულებს და საიტზე გამოქვეყნებულ ცხრილში, რომელშიც ქვეყნები მიღებული მედლების მიხედვითაა დალაგებული, რუსეთის ნაკრები არ ჩანს.

ფოტო: Bild

ცხრილის ქვეშ რედაქციის შენიშვნა მიწერილი, რომელშიც ვკითხულობთ: "ცხრილში წაშლილია რუსეთის მიერ მოპოვებული მედლები. მიუხედავად ამისა, სხვა გუნდების ადგილები რეალური ცხრილისგან არ განსხვავდება".