ჩრდილოეთ და სამხრეთ კორეის ლიდერები ერთმანეთს სექტემბერში ფხენიანში შეხვდებიან, სადაც მეორე სამიტი გაიმართება. ამ ეტაპზე უცნობია რა საკითხებზე იმსჯელებენ პრეზიდენტები, თუმცა საგულისხმოა რომ ნახევარკუნძულზე საომარი დაპირისპირების შეწყვეტის გადაწყვეტილება მიღებულია, მაგრამ ჩრდილოეთ კორეა დენუკლერიზაციაზე უარს ამბობს.

ჩრდილოეთ და კორეის ლიდერები პირველად ერთმანეთს 27 აპრილს შეხვდნენ. 1953 წლის შემდეგ, კიმ ჩენ ინი ჩრდილოეთ კორეის პირველი ლიდერია, რომელმაც დემილიტარიზებული საზღვარი გადაკვეთა და სამხრეთ კორეის ტერიტორიაზე პრეზიდენტ მუნ ჯეი ენს შეხვდა.

სამიტის კულმინაცია ორ ლიდერს შორის გაფორმებული მშვიდობის დეკლარაცია იყო, რომლის მიხედვითაც ჩრდილოეთ და სამხრეთ კორეა მიმდინარე წელს ომის დასრულებაზე შეთანხმდა.