ერთი კვირის წინ მამაჩემი ცუდად გახდა, ექიმიდან ექიმთან სირბილის შემდეგაც რომ ვერაფერი გაარკვიეს, ონკოლოგიურში გაგვიშვეს, უნდოდათ დარწმუნებულიყვნენ, რომ სიმსივნე არ იყო.

თქვენ წარმოდგენაც კი არ გაქვთ, რამხელა ბედნიერებას, შვებას და სიმსუბუქეს გრძნობ, როდესაც ანალიზს პასუხში წერია - “სიმსივნური წარმონაქმნი აღმოჩენილი არ არის.”

მამას გაუმართლა, რასაც ვერ ვიტყვი იმ 7.6 მილიონ ადამიანზე, რომელთაც სიმსივნე ყოველწლიურად კლავს. არ გაუმართლა არც ბაბეტ ჯექუიშს ვისკონსინის შტატიდან, რომელიც 9 წლის, ორი თვისა და ორი კვირის განმავლობაში ებრძოდა სიმსივნეს, საბოლოოდ კი გამარჯვებული ეს უკანასკნელი დარჩა.

ბაბეტ ჯექუიში ცნობილია როგორც "მზესუმზირის ლედი", სახელი, რა თქმა უნდა, შემთხვევით არ შეურჩევიათ, ის სიგიჟემდე იყო შეყვარებული მზესუმზირის ყვავილებზე.

სწორედ ამიტომ, მან და მისმა მეუღლემ დონმა, კიბოსთან ბრძოლის მიზნით, “ბაბეტის იმედის მარცვლის პლანტაცია” შექმნეს. იქ მხოლოდ მზესუმზირის ყვავილი და მისი მარცვალი იყიდებოდა.

ფოტო: KARE11

ფოტო: KARE11

მისი გარდაცვალების შემდეგ კი დონმა უკანასკნელი სურვილიც აუსრულა და პლანტაციის ტერიტორია 160 ჰექტარზე გააშენა.

ფოტო: KARE11

ბაბეტის გარდაცვალების შემდეგ მისმა მეუღლემ წერილი იპოვა, რომელშიც წერდა - “დონ, შენ უნდა გააგრძელო ცხოვრება. აუცილებლად იგრძნობ ჩემს ყოფნას, როდესაც დილით ჰაერს ჩაისუნთქავ და ჭიქა ყავას დალევ. გპირდები მე ყოველთვის შენთან ვიქნები”.

დონ ჯექუიში პლანტაციიდან მიღებულ შემოსავალს მთლიანად კიბოს მკურნალობის კვლევებში რიცხავს.