აშშ-ში სიეტლის აეროპორტის თანამშრომელმა სამგზავრო თვითმფრინავი გაიტაცა. BBC-ის ინფორმაციით, თვითმფრინავში მგზავრები არ იყვნენ.

პოლიციის თქმით, გამტაცებელი 29 წლისაა და ინციდენტი ტერორიზმს არ უკავშირდება. შემდგომში გავრცელდა ინფორმაცია, რომ თვითმფრინავი ზღვაში ჩავარდა, თუმცა გამტაცებლის ვინაობა და ბედი ჯერ კიდევ უცნობია.

არასანქცირებული ფრენის გამო სიეტლის საერთაშორისო აეროპორტში ყველა რეისი შეჩერდა. ადგილობრივი მედიის ცნობით, აფრენის შემდეგ კაცს აეროპორტში დაბრუნებას სთხოვდნენ. ამ დროისთვის აეროპორტმა მუშაობა განაახლა.