დიდ ბრიტანეთში, საქართველოს საელჩოში გუშინ, 7 აგვისტოს, 2008 წლის აგვისტოს ომის თემაზე გამოფენის მიმდინარეობისას ერთი პირი მივიდა, რომელმაც იქ შეკრებილ ადამიანებს NATO-ს პროპაგანდის მსხვერპლები უწოდა. აღნიშნული პირი სამართალდამცავებმა დააკავეს და საელჩოდან გაიყვანეს.

როგორც On.ge-ს თვითმხილველი, თამარ კარელიძე უყვება, მოგვიანებით გაირკვა, რომ ეს პირი სპუტნიკის თანამშრომელი იყო. სპუტნიკი რუსეთის სახელმწიფოს პროპაგანდისტული მედიაა.

წელს 2008 წლის აგვისტოს ომიდან 10 წელი გავიდა. რუსეთის მიერ საქართველოს ტერიტორიების ოკუპაცია გააპროტესტეს საოკუპაციო ხაზთანაც და რუსეთის საელჩოს ყოფილ შენობასთან.