"როგორ შეიძლება ჩვენ დაგვეწყო ომი ჩვენს ტერიტორიაზე რუსეთის წინააღმდეგ?" - ასე პასუხობს საქართველოს ყოფილი პრეზიდენტი, მიხეილ სააკაშვილი საპრეზიდენტო კანდიდატ სალომე ზურაბიშვილს, რომელმაც განაცხადა, რომ 2008 წელს საომარი ვითარების ეს ნაწილი საქართველომ დაიწყო.

გარდა ამისა, საპრეზიდენტო კანდიდატის განცხადებაზე, რომ საქართველო რუსეთის პროვოკაციაში ჩაერთო, სააკაშვილი ამბობს, რომ ეს არა პროვოკაცია, არამედ ფართომასშტაბიანი სამხედრო შემოჭრა იყო.

"მან დაადანაშაულა საქართველო, ზუსტად გრაჩოვის სტილში, რომ ჩვენ თვითონ დავბომბეთ წითელუბანი, თვითმფრინავებით, რომლებიც არ გვყვავდა და ჩვენ თვითონ მოვუწყვეთ ჩვენს თავს პროვოკაცი", - ამბობს სააკაშვილი.

სააკაშვილის თქმით, ეს არის რუსული პროპაგანდისტული მითი, რომელსაც იმეორებენ ბიძინა ივანიშვილი და სხვა აგენტები.