სახელმწიფო უსაფრთხოების სამსახურის განცხადებით, კონტრტერორისტულმა ცენტრმა საქართველოს მოქალაქე მალხაზ ტ. დააკავა. სუს-ის ცნობით, საქმე ეხება ტერორისტულ ორგანიზაციაში გაერთიანებისა და ტერორისტულ საქმიანობაში დახმარების საქმეს, რაც გათვალისწინებულია საქართველოს სსკ-ის 328-ე მუხლით.

უსაფრთხოების სამსახურის ინფორმაციით, გამოძიების ფარგლებში, აღნიშნული პირი საბრძოლო მასალის მართლსაწინააღმდეგო შეძენა-შენახვის ბრალდებით დააკავეს:

"მალხაზ ტ-ს საცხოვრებელი სახლის და სამსახურის ჩხრეკისას ამოღებულია ელექტრონული ინფორმაციის მატარებელი მოწყობილობები, ასევე ტერორისტული დაჯგუფება ე.წ. ისლამური სახელმწიფოს სიმბოლიკიანი დროშები და სხვადასხვა ატრიბუტიკა".

სუს-ის ცნობით, დამატებითი მტკიცებულებების მოპოვების მიზნით საგამოძიებო მოქმედებები გრძელდება.